قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى №184

2015 جىلعى 24 اقپان,  استانا قالاسى جاعالاۋ بەلدەۋiن پايدالانۋ قاعيدالارىن بەكiتۋ تۋرالى «ىشكى سۋ كولىگى تۋرالى» 2004 جىلعى 6 شىلدەدەگى قازاقستان رەسپۋبليكاسى زاڭىنىڭ 9-بابى 1-تارماعىنىڭ 26-9) تارماقشاسىنا سايكەس بۇيىرامىن: 1. قوسا بەرىلىپ وتىرعان جاعالاۋ بەلدەۋiن پايدالانۋ قاعيدالارى بەكiتiلسiن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا. اساۆباەۆ): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپتە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادiلەت مينيسترلiگiندە مەملەكەتتiك تiركەلگەننەن كەيiن ون جۇمىس كۇنى iشiندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالiمەتتەردi قازاقستان رەسپۋبليكاسى ينۆەستيتسيالار جانە دامۋ مينيسترلiگiنiڭ زاڭ دەپارتامەنتiنە ۇسىنۋدى قامتاماسىز ەتسiن. 3. وسى بۇيرىقتىڭ ورىندالۋىن باقىلاۋدى وزىمە قالدىرامىن. 4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك «كەلىسىلدى» قازاقستان رەسپۋبليكاسى ەنەرگەتيكا ءمينيسترى __________________ا.س.مامىتبەكوۆ 2015 جىلعى 16 ناۋرىز «كەلىسىلدى» قازاقستان رەسپۋبليكاسى ەنەرگەتيكا ءمينيسترى __________________ۆ.س.شكولنيك 2015 جىلعى 17 ناۋرىز قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىسىنىڭ 2015 جىلعى 24 اقپانداعى №184 بۇيرىعىمەن بەكىتىلگەن جاعالاۋ بەلدەۋiن پايدالانۋ قاعيدالارى 1. جاعالاۋ بەلدەۋiن پايدالانۋ قاعيدالارى (بۇدان ءارى – قاعيدالار) «Iشكi سۋ كولiگi تۋرالى» 2004 جىلعى 6 شiلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ) 9-بابى 1-تارماعىنىڭ 26-9) تارماقشاسىنا سايكەس ازiرلەندى جانە جاعالاۋ بەلدەۋiن پايدالانۋ ءتارتىبىن ايقىندايدى. 2. قاعيدالار قازاقستان رەسپۋبليكاسىنىڭ ىشكى سۋ جولدارىندا قىزمەتتى جۇزەگە اسىراتىن جەكە جانە زاڭدى تۇلعالارعا قولدانىلادى. 3. وسى قاعيدالاردا مىناداي نەگىزگى ۇعىمدار پايدالانىلادى: 1) جاعالاۋ بەلدەۋى – ەكولوگيالىق تالاپتاردى ساقتاي وتىرىپ, ناۆيگاتسيالىق بەلگىلەر مەن جابدىقتاردى ورناتۋعا ارنالعان, جاعالاۋ سىزىعىنان باستاپ ەنى جيىرما مەتر سۋ وبەكتiلەرى جاعالاۋى بويىنداعى قۇرلىق بەلدەۋى; 2) ۋاقىتشا كەرەك-جاراقتار مەن جۇزبەلى قۇرىلىستار (بۇدان ءارى – قۇرىلىستار) – كەمەلەردىڭ قاۋىپسىز توقتاپ تۇرۋىنا, جۇكتى وڭدەۋگە جانە قىزمەت كورسەتۋگە ارنالعان ۋاقىتشا ينجەنەرلىك گيدروتەحنيكالىق قۇرىلىستار; 3) ۋاكiلەتتi ورگاننىڭ كاسiپورنى - قىزمەت كورسەتىلەتiن شەكارالار شەگiندە كەمەلەردiڭ قاۋiپسiز ءجۇزۋiن قامتاماسىز ەتۋ ماقساتىندا iشكi سۋ جولدارىن جانە كەمە قاتىناسىنىڭ گيدروتەحنيكالىق قۇرىلىستارىن (شليۋزدەرىن) تيiسiنشە كۇتiپ ۇستاۋ جانە دامىتۋ ءۇشiن وندiرiستiك قىزمەتتi جۇزەگە اسىرۋ نەگiزگi مiندەتi بولىپ تابىلاتىن iشكi سۋ كولiگiنiڭ مەملەكەتتiك كاسiپورنى; 4) ىشكى سۋ جولدارىن كەمە قاتىناسى جاعدايىندا قامتاماسىز ەتۋمەن بايلانىستى جۇمىستار – iشكi سۋ جولدارىنداعى سۋ ءتۇبiن تەرەڭدەتۋ, تۇزەپ-جوندەۋ, ترالداۋ, سۋ ءتۇبiن تازارتۋ, iزدەستiرۋ جانە ناۆيگاتسيالىق جابدىق قۇرالدارىن ورنالاستىرۋ مەن كۇتiپ ۇستاۋ جونiندەگi باسقا دا جۇمىستار. وسى قاعيدالاردا زاڭعا سايكەس وزگە دە ۇعىمدار پايدالانىلادى. 4. قالالىق ەلدى مەكەندەر اۋماقتارىنان تىس جەرلەردە ورنالاسقان ىشكى سۋ جولدارى شەگىندە جاعالاۋ بەلدەۋى جانە اكۆاتورياعا ىرگەلەس ۋچاسكە ۋاكىلەتتى ورگاننىڭ كاسىپورنىنا وتەۋسىز نەگىزىندە تۇراقتى پايدالانۋعا ۇسىنىلادى. 5. ىشكى سۋ جولدارىنىڭ جاعالاۋ بەلدەۋىندە ۋاكىلەتتى ورگاننىڭ كاسىپورىندارىمەن ۋاكىلەتتى ورگاننىڭ اۋماقتىق قۇرىلىمدىق بولىمشەلەرىمەن كەلىسىلگەن بەلگىلەردى قويۋ سحەمالارى بويىنشا ناۆيگاتسيالىق جابدىقتىڭ جاعالاۋ قۇرالدارى قويىلادى. 6. ناۆيگاتسيالىق جابدىقتىڭ جاعالاۋ قۇرالدارىنىڭ كورىنۋىن قامتاماسىز ەتۋ ءۇشىن قازاقستان رەسپۋبليكاسىنىڭ ورمان كودەكسىنە سايكەس جاعالاۋ بەلدەۋىندە ءوسىپ كەتكەن اعاشتار مەن بۇتالاردىڭ كەسىلۋىن جۇزەگە اسىرادى. 7. Iشكi سۋ جولدارىنىڭ جاعالاۋ بەلدەۋiندە ناۆيگاتسيالىق وتتاردى قوسپاعاندا, كەمە جۇرىسىنە قاراي باعىتتالعان قانداي دا بiر تۇراقتى وتتار ورناتۋعا جول بەرىلمەيدى. ۋاقىتشا وتتار كەمە جۇرگىزۋشىلەردىڭ كورمەۋىنە جول بەرمەۋ جانە تاۋلىكتىڭ قاراڭعى كەزىندە ناۆيگاتسيالىق بەلگىلەردى تانۋعا كەدەرگى جاساماۋ ماقساتىندا كەمە ءجۇرىسى جاعىنان قورشالىنادى. 8. ىشكى سۋ جولدارىن كەمە قاتىناسى جاعدايىندا قامتاماسىز ەتۋمەن بايلانىستى جۇمىستاردى جۇرگىزۋ كەزىندە ۋاكىلەتتى ورگاننىڭ كاسىپورىندارى تەحنيكالىق فلوت كەمەلەرىن جوندەۋ, جابدىق بريگاداسى بازاسىنىڭ تۇرۋى جانە ناۆيگاتسيالىق جابدىقتىڭ قۇرالدارى قورىن ساقتاۋ ورنى ءۇشىن جاعالاۋ بەلدەۋىن جانە وعان ىرگەلەس اكۆاتوريانى پايدالانادى. 9. قاجەت بولعان جاعدايدا جاعالاۋ بەلدەۋىندە ناۆيگاتسيالىق جابدىقتاردى دايىنداۋ جانە جوندەۋ, كەمەلەر مەن وزگە ءجۇزۋ قۇرالدارىن ارقانداپ بايلاۋ جانە تۇرۋ, ايلاقتاۋ, جابدىقتاردى تيەۋ, ءتۇسىرۋ جانە ساقتاۋ ءۇشىن قاجەتتى قۇرىلىستار سالىنادى. وسى ماقساتتار ءۇشىن ۋاكىلەتتى ورگاننىڭ كاسىپورىندارى جاعالاۋ بەلدەۋى شەگىندە ورنالاسقان جەر قويناۋى جانە جەر قويناۋىن پايدالانۋ تۋرالى زاڭناماعا سايكەس توپىراق, تاس, گراۆي, ورمان كودەكسىنە سايكەس اعاش جانە بۇتالاردى پايدالانادى. 10. ءتۇبىن تەرەڭدەتۋ جۇمىستارىن جۇرگىزگەن كەزدە جاعالاۋ بەلدەۋىنە وزگە قاۋىپسىز ورىن بولماعان كەزدە كەمە جولىنان سورىلعان توپىراق ءۇيىندىسىن جاسايدى. 11. ءتۇبىن تازارتۋ جۇمىستارى جۇرگىزگەن كەزىندە جاعالاۋ بەلدەۋى شىعارىلعان قوقىس جانە كەمە قاتىناسىنا قاۋىپ توندىرگەن باسقا دا زاتتاردى ۋاقىتشا ساقتاۋ ءۇشىن پايدالانىلادى. بۇل رەتتە ۋاكىلەتتى ورگاننىڭ كاسىپورىندارى ولاردىڭ سۋ وبەكتىسى ارناسىنا قايتا ءتۇسۋىنىڭ الدىن الۋ بويىنشا, ونىڭ ىشىندە سۋ دەڭگەيى وزگەرگەن كەزدە قاجەتتى شارالار قابىلدايدى, ال جۇمىستار اياقتالعاننان كەيىن ولاردى شىعارىپ تاستاۋ قامتاماسىز ەتىلەدى. 12. جاعالاۋ بەلدەۋi شەكتەرiندە رۋدا ەمەس قۇرىلىس ماتەريالدارىن ءوندiرۋدi, ورمان كەسۋدi, كوپىرلەر سالۋدى جانە باسقا دا جۇمىستاردى جۇرگىزەتiن ۇيىمدار وسى بەلدەۋدە ورنالاسقان كەمە قاتىناسى مۇقتاجدىعىنا ارنالعان ناۆيگاتسيالىق جابدىق قۇرالدارى مەن قۇرىلىستاردىڭ ساقتالۋىن قامتاماسىز ەتەدi جانە جۇمىستاردى جۇرگiزۋ كەزiندە بولعان وسى قۇرىلىستاردىڭ زاقىمدالۋىن ۋاقتىلى تۇزەتەدi. ۋاقىتشا جۇمىستار جۇرگىزۋ ءۇشىن ىشكى سۋ جولدارىنىڭ جاعالاۋ بەلدەۋىن پايدالانىلاتىن ۇيىمدار جۇمىستاردى اياقتاعاننان كەيىن ولاردى تازالاۋدى جانە ورنىقتىرۋدى قامتاماسىز ەتەدى. 13. ەگەر ىشكى سۋ جولدارىنىڭ جاعالاۋ بەلدەۋى شەگىندە شارۋاشىلىق نەمەسە وزگە دە قىزمەت كەمە قاتىناسى قاۋىپسىزدىگىن قامتاماسىز ەتۋمەن ۇيلەسپەسە, مۇنداي قىزمەت جۇرگىزىلمەيدى. 14. اكۆاتوريادا جانە ىشكى سۋ جولدارىنىڭ شەگىندەگى جاعالاۋ بەلدەۋىندە ىشكى سۋ جولدارى مەن جاعالاۋ بەلدەۋىنىڭ جاعدايىنا تەرىس اسەر ەتەتىن جانە (نەمەسە) ولاردى پايدالانۋعا قيىندىق تۋدىراتىن قاداعالاۋسىز كەمەلەردى, عيماراتتار مەن قۇرىلىستاردى قالدىرۋعا جول بەرىلمەيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10847 بولىپ ەنگىزىلدى.